جاپونيادا ءۇش كۇندە 388 جەر سىلكىنىسى بولدى
  • ۇنحاتتاعى دوستىق شەڭبەرىمە جولدايمىن !

  • قازىرگى ورنىڭىز:اق جاۋىن حابار كانالى             جولدانعان ۋاقىتى:2016-04-21 01:51:19            كورىلىمى:233

    استانا. قاز اقپارات-وڭتۇستىك-باتىستاعى جاپونيالىق كيۋسيۋ ارالىندا سوڭعى ءۇش كۇندە 388 جەر سىلكىنىسى بولدى، دەپ حابارلادى تاسس ەلدىڭ ۇلتتىق مەتەورولوگيالىق باسقارماسىنا سىلتەمە جاساپ. 

    سوڭعى مالىمەتتەر بويىنشا، اپات سالدارىنان 41 ادام اجال قۇشتى. 2 مىڭنان استام ادام ءتۇرلى جاراقاتتارمەن اۋرۋحانالاردا جاتىر.   

    وتكەن تۇندە كۋماموتو پرەفەكتۋراسىندا جاۋىن قاتتى جاۋىپ، جەل كۇشەيۋى سالدارىنان قۇتقارۋ شارالارىن جۇرگىزۋ قيىن بولدى. ۇلتتىق قورعانىس ساربازدارى، پوليتسيا جانە ءورت ءسوندىرۋ باسقارماسىنىڭ قىزمەتكەرلەرى ۇيىندىلەردىڭ استىنان ءىز-ءتۇزسىز جوعالعان دەپ سانالاتىنداردى ىزدەستىرۋدە.  شاراعا


     قاتىسىپ جاتقان قۇتقارۋشىلاردىڭ سانى بۇگىن 30 مىڭعا جەتۋى ءتيىس.   

    جەرگىلىكتى سەيسمولوگتار جەراستى دۇمپۋلەرى ەڭ كەمى ءبىر اپتاداي بولادى دەپ سانايدى. ەلدىڭ وسى بولىگىندە قۋاتتى جەر سىلكىنىسى بولۋى مۇمكىندىگىن ەسكەرتتى. 

    كۋماموتو جانە ويتا پرەفەكتۋرالارىنىڭ 240 مىڭنان استام تۇرعىنى ارنايى ورتالىقتارعا، مەكتەپتەر مەن مۋنيتسيپالدىق عيماراتتارعا ورنالاستىرىلدى. كۋماموتو پرەفەكتۋراسىندا شامامەن 80 مىڭ ءۇي جارىقسىز قالدى.   

    ەڭ جاڭا قازاق ەلى تەلە حابارلارى