«دايش» لاڭكەستىك ۇيىمىنىڭ سودىرلارى ەۋروپاعا باعىت العان
  • ۇنحاتتاعى دوستىق شەڭبەرىمە جولدايمىن !

  • قازىرگى ورنىڭىز:اق جاۋىن حابار كانالى             جولدانعان ۋاقىتى:2016-04-21 02:12:09            كورىلىمى:785


    بريۋسسەل. قاز اقپارات-بەلگيا ءىىم جانىنداعى قاۋىپتەردى تالداۋ ۇيلەستىرۋ ورتالىعىندا «دايش» لاڭكەستىك ۇيىمى سودىرلارىن ەۋروپا مەن بەلگياعا جىبەرگەنى تۋرالى اقپارات بار. بۇل تۋرالى سەيسەنبى بەلگيالىق RTBF تەلەراديوكومپانياسى حابارلادى. 

    وسام باسشىسى پول ۆان تيگحەلتانىڭ ايتۋىنشا، ەۋروپا مەن بەلگياعا دايش توبىنىڭ جاڭا سودىرلارىن جىبەرگەنى تۋرالى اقپارات بار. الايدا، ۇيىم باسشىسى ەگجەي-تەگجەيلى اقپارات بەرمەدى»، -دەپ اتاپ وتەدى RTBF.   

    بۇدان باسقا، بۇگىن وسام باسشىسى مەن بەلگيا فەدەرالدىق پوليتسياسى تەررورلىق ءحاۋىپتىڭ دەڭگەيىن باعالادى جانە ەلدەگى حاۋىپسىزدىكتى قامتاماسىز ەتۋ بويىنشا شارالاردى تالقىلادى. 

    «بەلگياداعى لاڭكەستىك حاۋىپ دەڭگەيى 3-ءشى دەڭگەيدە (ءتورت بالدىق باعالاۋ بويىنشا) ساقتالۋدا»، -دەپ پول ۆان تيگحەلتانىڭ ءسوزىن كەلتىردى RTBF. ءۇشىنشى دەڭگەي «مۇمكىن جانە ىقتيمال» قاۋپىن بىلدىرەدى. 

    سونىمەن قاتار، وسام باسشىسى ءحاۋىپتى جوققا شىعارمايتىنىن قوستى. RTBF سوڭعى رەسمي دەرەكتەرى بويىنشا بريۋسسەلدە لاڭكەستىك قۇرباندارى 32 ادام، زارداپ شەككەن 44 ادام اۋرۋحانادا، ونىڭ 24-ءі جانساقتاۋ بولىمىندە. جانكەشتى لاڭكەستەر 22 ناۋرىزدا بەلگيا استاناسىندا ەكى جارىلىس ۇيىمداستىردى. تاعى ءبىر تەرراكتى ەۋروپالىق ينستيتۋتتار ورنالاسقان «ماەلبەك» مەتروسى ستانساسىندا بولدى.   

    ەڭ جاڭا قازاق ەلى تەلە حابارلارى