پولشادا اناسى قايتىس بولعاننان 55 كۇننەن سوڭ نارەستە دۇنيەگە كەلدى
  • ۇنحاتتاعى دوستىق شەڭبەرىمە جولدايمىن !

  • قازىرگى ورنىڭىز:اق جاۋىن حابار كانالى             جولدانعان ۋاقىتى:2016-04-21 02:14:18            كورىلىمى:1539

    استانا. قاز اقپارات -ۆروتسلاۆتا ۋنيۆەرسيتەتتە كلينيكالىق اۋرۋحانادا ول تۋعانعا دەيىن 55 كۇن بۇرىن اناسى قايتىس بولعان ەر بالا دۇنيەگە كەلدى. دارىگەرلەردىڭ ايتۋىنشا، بۇل تاڭعالارلىق جاعداي زاماناۋي مەديتسينالىق قۇرىلعىنىڭ ارقاسىندا مۇمكىن بولدى. 

    راديو پولشا حابارلاعانداي، 45 جاستاعى پولشالىق ايەل وبىرمەن اۋىرعان. جۇكتىلىكتىڭ 17 اپتاسىندا ناۋقاستىڭ ميى ولگەنى انىقتالعان. ءبىراق ايەلدىڭ جۇرەگى سوعىپ تۇرعان، دارىگەرلەر بالانىڭ ءومىرى ءۇشىن كۇرەسۋگە شەشىم قابىلداعان.   

    ارنايى جابدىقتىڭ ارقاسىندا دارىگەرلەر اناسىنىڭ ءوىمىر ءسۇرۋىن قولداپ كەلگەن. 55 كۇننەن كەيىن بالانى دۇنيەگە اكەلۋدى شەشىپ، بالانى جارىپ العان. 

    RMF FM راديوسىنىڭ اقپاراتىنا سايكەس نارەستە 9 اقپاندا دۇنيەگە كەلگەن. ونىڭ سالماعى نە بارى 1 كەلى بولعان. وعان قارقىندى تەراپيا جاسالدى. ءبىر ايدان كەيىن بالانى رەسپيراتوردان اجىراتتى. تاعى ەكى ايدان كەيىن ۇيىنە شىعاردى. قازىر بالا امان-ەسەن. سالماعى 3 كەلى، ونى اكەسى تاربيەلەۋدە.   

    ەڭ جاڭا قازاق ەلى تەلە حابارلارى